- ‘Nnammanca sulu chistu: Bellusconi a ‘u Qurinali e poi ni ‘nniamu tutti a casa
Ma ricinu viieru?
Basta, un sinni po’ chiù! Puro prisirenti da a Ripubblica ni l’amu a chianciri ‘stu Bellusconi? Un c’abbastò quannu nu millinovecentunovantaquattru, ‘Mpaliemmu, a ‘u Capu e a Vucciria, unni ti firriavi ti firriavi a genti ricia: “Nuoautri vutamu Bellusconi picchì avi i picciuli e ni fa tutti ricchi!” Minchia ‘ntelligenza! I picciuli si i fici iddu c’a politica, che era chinu i diebiti e si saibbò. Ma chi detti ‘a Sicilia Bellusconi? L’occhi pi chianciri? ‘Nnu rumilaeunu ficiru a campagna elettorale, ‘nni vinnniru a diri c’avianu a fari ‘u ponti di Missina, c’avianu a drapiri ‘u casinò i Taommina e un sacciu quanti opiri pubbliche c’avianu a essiri ‘ntà st’Isola. Vinceru sessantunoazeru e poi cu si vitti si vitti. Cu ‘u progetto r’u ponti di Missina si ficiru i picciuli chiddri r’u Nord; ‘u casinò ‘i Taormina unnu rapieru chiù picchi dissiru ca ‘Nsicilia c’è a mafia, mentri ‘nnu Nord uncinnè mafia no, è bieru? Un ficiru niienti, allura? No, quacchi cosa a ficiru: dannu. Ficiru ‘u burdellu per ‘drapiri l’autostrata Palermu- Missina e trighiorna ropu l’autostrada accuminciò a cariri pezzu a pezzu e di tannu cari pezzu a pezzu e sinni stannu futtennu tutti. Ora sinni eru tutti a Mazara del Vallo a manciarrisi ‘u pisci. Basta cu ‘sta Forza Italia, picciotti, basta, un sinni po’ chiù. ‘Nnannu cumminatu i tutti i culura e ancora ‘muncino’. Ma chi c’è i ‘munciri’ ancora Miccichè? Un c’è chiù nienti ‘nna casa vacanti! E inutili che s’arrimina tuttu, onorevole Miccichè: un c’u fanno chiù presirenti di l’Ars mancu si ci va cu ‘u Piddi. Vi putiti stuiari ‘u musso. Basta, vi manciastivu a qualunque. Ancora ca siti? Vinn’aviti a ghiri tutti a casa, a casa, a casa.
AVVISO AI NOSTRI LETTORI
Se ti è piaciuto questo articolo e ritieni il sito d'informazione InuoviVespri.it interessante, se vuoi puoi anche sostenerlo con una donazione. I InuoviVespri.it è un sito d'informazione indipendente che risponde soltato ai giornalisti che lo gestiscono. La nostra unica forza sta nei lettori che ci seguono e, possibilmente, che ci sostengono con il loro libero contributo.-La redazione
Effettua una donazione con paypal
